Ymuno â'r ymgyrch gwych

Yng Nghymru, mae mwy na 94% ohonom yn ailgylchu’n rheolaidd, sy’n gwneud ein hymdrechion ailgylchu’n fwy gwych nag erioed. Dim rhyfedd mai Cymru yw’r drydedd genedl orau yn y byd am ailgylchu. Ond wnawn ni ddim rhoi’r gorau iddi nawr. Galli helpu Cymru gyrraedd y brig a chwarae dy ran dros dy gymuned a’r amgylchedd drwy daro deuddeg gyda’r tri ymddygiad ailgylchu hwn:

Mae’r rhan fwyaf ohonom yn ailgylchu ein gwastraff bwyd, ond nid ydym yn ailgylchu pob eitem, bob tro. Drwy ailgylchu gwastraff bwyd fel crafion, plisg wyau, esgyrn, bagiau te a gwaddodion coffi, rwyt ti nid yn unig yn chwarae dy ran mewn helpu Cymru i fod ar y blaen yn fyd-eang, rwyt ti hefyd yn gwarchod y blaned drwy greu ynni. Yng Nghymru, pan gaiff gwastraff bwyd ei ailgylchu, caiff ei droi’n ynni adnewyddadwy. Byddai dim ond 1 croen banana wedi’i ailgylchu’n gwefru dau ffôn clyfar. Dysga sut

Bydd Wych yn yr ystafell ’molchi drwy ymuno â’r 90% ohonom sy’n ailgylchu poteli gwag o’r ystafell ’molchi. Os nad wyt yn eu hailddefnyddio, ailgylcha blastigion o’r ystafell ’molchi, fel poteli siampŵ, cyflyrydd gwallt, sebon dwylo, gel cawod a nwyddau glanhau i helpu Cymru chwalu ei darged ailgylchu nesaf! Diogela ein hadnoddau naturiol ac arbed ynni ar yr un pryd. Mae ailgylchu dim ond 1 potel siampŵ’n arbed digon o ynni i wefru 4 iPad yn llawn!

Yng Nghymru, rydyn ni’n ailgylchwyr gwych o ran ailgylchu ein caniau bwyd a diodydd; mae 92% ohonom yn eu hailgylchu. Nawr dyna rywbeth gwych i’w wneud, gan fod modd ailgylchu metel dro ar ôl tro heb i’w ansawdd ddirywio. Mae ailgylchu 1 can bwyd neu ddiod gwag yn arbed digon o ynni i bweru cawod am fwy na 5 munud.