Mae mwy a mwy o bobl yn ailgylchu eitemau o bob rhan o’r tŷ. Yn yr ystafell ’molchi, defnyddiwn blastig o bob lliw a llun, a gellir ailgylchu’r rhan fwyaf o’r rhain. Ydych chi’n ailgylchu eich poteli siampŵ? Mae 90% ohonom yng Nghymru’n gwneud, ond mae gennym le i ailgylchu mwy o hyd.
Y 10 prif beth y gall pawb ei ailgylchu o’r ystafell ’molchi
Dyma ddeg eitem y gellir (ac y dylid) eu hailgylchu o’r ystafell ’molchi unwaith y maen nhw’n wag:
- 1
Poteli siampŵ
- 2
Poteli cyflyrydd gwallt;
- 3
Poteli gel cawod a swigod bath;
- 4
Bocsys past dannedd neu sebon;
- 5
Tiwbiau papur toiled;
- 6
Poteli hylif glanhau ystafell ’molchi a channydd, yn cynnwys unrhyw gaeadau chwistrell;
- 7
Diaroglyddion, chwistrell corff ac erosolau chwistrell gwallt;
- 8
Ewyn eillio;
- 9
Poteli eli croen;
- 10
Poteli sebon dwylo, yn cynnwys caeadau a phympiau.
Mae’n dda gwybod
Pe byddai pawb yn y Deyrnas Unedig yn ailgylchu un botel o hylif glanhau ystafell ’molchi, gellid arbed digon o ynni i redeg sugnwr llwch o gwmpas tua 82,460 o gartrefi.
Pum hac i’ch helpu i gadw trefn ar eich ailgylchu o’r ystafell ’molchi
- 1
Beth am hongian bag ar gefn y drws? Os ydych chi’n brin o le ar y llawr, beth am hongian bag deniadol ar fachyn neu ar handlen y drws?
- 2
Cuddiwch eich eitemau gwag mewn cwpwrdd neu ddrôr – gallwch gadw’ch eitemau gwag mewn cwpwrdd neu ddrôr nes byddwch wedi casglu digon i wneud trip i’ch cynhwysydd ailgylchu;
- 3
Defnyddiwch ail fin – gallwch fanteisio ar y lle sy’n wastraff dan y sinc a chael bin ailgylchu yn eich ystafell ’molchi;
- 4
Trowch fasged neu focs yn fin ailgylchu ar gyfer yr ystafell ’molchi;
- 5
Eisiau cael trefn yn syth bin? Os yw’n well gennych gael gwared ar eitemau gwag cyn gynted â phosibl, rhowch nhw ar y landin neu yn y fasged dillad pan fyddan nhw’n wag ac ewch â nhw i’r cynhwysydd ailgylchu’r tro nesaf byddwch chi’n mynd i lawr y grisiau.
